حسنة قليلة تمنع بلاوى كتيرة .. و الحلو ما يكملش.. و مفيش حاجة تيجى كده.. كل الكلام ده و اللى شبهه يمشى مع المستشار جودت الملط رئيس الجهاز المركزى للمحاسبات طبعا مش عليه إنما على الحكومة اللى عينته.
الملط دايما فى كلامه بيكون أداء الحكومة سلبى زى أداء المنتخب من غير أبو تريكة، الراجل قال فى مجلس الشعب ان أسعار الطعام والشراب ارتفعت 29.8% والفاكهة 38.8% واللبن والجبن والبيض 32% والزيت 23% والخضار 23.3% والسمك 20% واللحم 17.5% والسكر 3.2% والحبوب 11% وأسعار الخدمات فى المستشفيات 16.7% والنقل 14.2% والكهرباء 13.8% والتعليم 13%. و بعيد عن الاحصائيات دى الراجل خرج اتكلم
و قال بصريح العبارة إن فى أزمة ثقة بين الشعب و الحكومة و طبعا الدليل موجود حملة الضرائب فى 2005 و شعارها اللى كان بيلعلع بصوت طارق نور " مين بيضحك على مين ؟ ".
و طبعا اللى يقرب من الحكومة لازم يبقى واخد تطعيم و إلا عمو عز هيكون واقف له بالمرصاد. و طبعا عمو عز و طبعا معجبوش كلام الملط و يمكن ده راجع لاسمه .. عز يعنى النغنغة أما ملط فهى باينة من غير توضيح.
الملط الذى لا يخشى تعرية الحكومة قال إن التعليم الجامعى تساوى بعملية صفر المونديال، و التصنيف العالمى لأفضل خمسمائة جامعة لم تكن بينها جامعة مصرية، فى حين ضمت عدة جامعات إسرائيلية ومن جنوب أفريقيا. و طبعا الكل فاكر عملنا ايه و زعلنا ازاى لما خدنا صفر المونديال و زعلنا اكتر لما خسرنا من الجزائر واحد- صفر لكن مزعلناش لما خسرنا 500 - صفر و مكانش لينا و لا جامعة فى التصنيف العالمى و مزعلناش لما خسرنا 7 – صفر من اسرائيل و هى لها 7 جامعات فى التصنيف الدولى.
ممكن تستغرب من كلام الملط عن الحكومة و تقعد تقول يا سلام ما هى البلد لسه فيها ناس نظيفة و مش بعيد يظهر واحد جاى من هناك شايفينه؟.. سامعين بيقول ايه؟ عايزين الملط يبقى رئيسنا !!
ساعتها هنبقى لبسنا العمة بجد لأن كل شخصية محترمة تظهر و لها اعمال ناجحة نقوم علطول نرشحها لمنصب الرئاسة. الحكاية متتاخدش كده .. حاشى لله هى العين تعلى عن الحاجب ؟
طب أراضى ذمتك ينفع الريس بتاعك يبقى اسمه ملط ؟ بلاش دى ينفع الريس بتاعك يبقى اسمه البرادعى؟ .. ده حتى غنوا له أغنية شعبية فى فيلم معلش احنا بنتبهدل. طب ينفع الريس بتاعك يبقى اسمه موسى لأن المثل يقولك اللى نحسبه موسى يطلع فرعون، فابعد عن الشر و غنيله. بالحق بأوجه كل الاحترام و التقدير لعمرو موسى وعلى رأى شعبولا بحب عمرو موسى.
سيبك أنت محدش هيقدر يجى ع الملط و لا حتى الصحف القومية عارف ليه؟ لأنه بصراحة رشح الرئيس مبارك لفترة جديدة يعنى متحاولش تزن ع الرجل و تقوله رشح نفسك لأنه لو عمل كده هيخسر اللى وراه و اللى قدامه و هيتحاسب حساب الملكين.
عشان كده يقول زى ما يقول ع الحكومة طول ما هو بعيد عن الكرسى لكن لو فكر بس أو سرح ناحية القصر هتبقى واقعته سودا. كلام الملط كلام جميل مقدرش أقول حاجة عنه و الحكومة أسمع كلامها أصدقه و أشوف أمورها استعجب.. طب الحل إيه أقلع ملط ؟ .. بس بلاش أحسن اخد برد.
الملط دايما فى كلامه بيكون أداء الحكومة سلبى زى أداء المنتخب من غير أبو تريكة، الراجل قال فى مجلس الشعب ان أسعار الطعام والشراب ارتفعت 29.8% والفاكهة 38.8% واللبن والجبن والبيض 32% والزيت 23% والخضار 23.3% والسمك 20% واللحم 17.5% والسكر 3.2% والحبوب 11% وأسعار الخدمات فى المستشفيات 16.7% والنقل 14.2% والكهرباء 13.8% والتعليم 13%. و بعيد عن الاحصائيات دى الراجل خرج اتكلم
و قال بصريح العبارة إن فى أزمة ثقة بين الشعب و الحكومة و طبعا الدليل موجود حملة الضرائب فى 2005 و شعارها اللى كان بيلعلع بصوت طارق نور " مين بيضحك على مين ؟ ".
و طبعا اللى يقرب من الحكومة لازم يبقى واخد تطعيم و إلا عمو عز هيكون واقف له بالمرصاد. و طبعا عمو عز و طبعا معجبوش كلام الملط و يمكن ده راجع لاسمه .. عز يعنى النغنغة أما ملط فهى باينة من غير توضيح.
الملط الذى لا يخشى تعرية الحكومة قال إن التعليم الجامعى تساوى بعملية صفر المونديال، و التصنيف العالمى لأفضل خمسمائة جامعة لم تكن بينها جامعة مصرية، فى حين ضمت عدة جامعات إسرائيلية ومن جنوب أفريقيا. و طبعا الكل فاكر عملنا ايه و زعلنا ازاى لما خدنا صفر المونديال و زعلنا اكتر لما خسرنا من الجزائر واحد- صفر لكن مزعلناش لما خسرنا 500 - صفر و مكانش لينا و لا جامعة فى التصنيف العالمى و مزعلناش لما خسرنا 7 – صفر من اسرائيل و هى لها 7 جامعات فى التصنيف الدولى.
ممكن تستغرب من كلام الملط عن الحكومة و تقعد تقول يا سلام ما هى البلد لسه فيها ناس نظيفة و مش بعيد يظهر واحد جاى من هناك شايفينه؟.. سامعين بيقول ايه؟ عايزين الملط يبقى رئيسنا !!
ساعتها هنبقى لبسنا العمة بجد لأن كل شخصية محترمة تظهر و لها اعمال ناجحة نقوم علطول نرشحها لمنصب الرئاسة. الحكاية متتاخدش كده .. حاشى لله هى العين تعلى عن الحاجب ؟
طب أراضى ذمتك ينفع الريس بتاعك يبقى اسمه ملط ؟ بلاش دى ينفع الريس بتاعك يبقى اسمه البرادعى؟ .. ده حتى غنوا له أغنية شعبية فى فيلم معلش احنا بنتبهدل. طب ينفع الريس بتاعك يبقى اسمه موسى لأن المثل يقولك اللى نحسبه موسى يطلع فرعون، فابعد عن الشر و غنيله. بالحق بأوجه كل الاحترام و التقدير لعمرو موسى وعلى رأى شعبولا بحب عمرو موسى.
سيبك أنت محدش هيقدر يجى ع الملط و لا حتى الصحف القومية عارف ليه؟ لأنه بصراحة رشح الرئيس مبارك لفترة جديدة يعنى متحاولش تزن ع الرجل و تقوله رشح نفسك لأنه لو عمل كده هيخسر اللى وراه و اللى قدامه و هيتحاسب حساب الملكين.
عشان كده يقول زى ما يقول ع الحكومة طول ما هو بعيد عن الكرسى لكن لو فكر بس أو سرح ناحية القصر هتبقى واقعته سودا. كلام الملط كلام جميل مقدرش أقول حاجة عنه و الحكومة أسمع كلامها أصدقه و أشوف أمورها استعجب.. طب الحل إيه أقلع ملط ؟ .. بس بلاش أحسن اخد برد.
ليست هناك تعليقات:
إرسال تعليق